{ "item_title" : "እ", "item_author" : [" Temesgen Tarefe "], "item_description" : "እምነት ኣብ ማእከል ወለዶ መንፈሳዊ መጽሓፍ ዘፍጥረት ምስ ስድራቤትኩም ኮይኩም መንፈሳዊ ጉዕዞኹም ፈልሙ ካብቲ ድንቂ መጀመርታ ፍጥረት ኣማላኽ ጀሚሩ፡ ክሳብ እቲ መስተንክር ታሪኽ ዮሴፍ ዝትንትን ብሕቶታት ዝተሰነየ መዛረቢ ኣርእስቲን ጾሎትን ዘማለአ ብዝሓሸን ብዝቀለለን መንገዲ ንመላእ ስድራቤትኩም ይጠቅም ኢዩ ተባሂሉ ቀሪቡ ኣሎ። ካብተን ቀዳሞት ገጻት ዘፍጥረት ጀሚሩ፡ እምነት ንኣምላኽ ምስ ደቂ ሰባት ተራኽብ መስመር ህይወት እያ። ኖህ ብሓጢኣት ኣብ ዝተዋሕጠት ዓለም ምስ ኣምላኽ ብተኣማንነት ተመላለሰ፡ እዚ ድማ ናይ ሓደ ሰብ ተኣዛዝነት ንሓደ ምልኡ ወለዶ ከም ዘድሕን ኣመስከረ። ኣብርሃም ነቲ ዘይርአ ተስፋ ተኸቲሉ፡ ቤቱን ምቾቱን ሓዲጉ ወጸ፡ ብእምነቱን ርእሱ ብምውፋዩን ኣቦ ህዝብታት ኰነ። ይስሃቅ በረኸት ኣቦኡ ዝወረሰ ብጻዕሩ ዘይኰነስ፡ ብሰላም፡ ብጸሎትን ብጽኑዕ እምነትን እዩ። ያእቆብ፡ ሽሕ እኳ ነውሪ ዘለዎን ዝቘሰለን እንተ ነበረ፡ ክሳዕ ዝልወጥ ምስ ኣምላኽ ተቃለሰ፡ ድኻሙ ኣምልኾ ኰነ፡ ቃልሱ ድማ ርእስኻ ምሃብ ኰነ። ዮሴፍ'ውን ጥልመትን ባርነትን መከራን ተጻዊሩ፡ ነቲ ልዕሊ ኹሉ ዝዀነ መግለጺ እምነት ኣርኣየ፡ ንሱ ድማ ይቕሬታ እዩ። ዮሴፍ ንኣሕዋቱ ይቕረ ብምባሉ፡ ነቲ ናይ ምሕረት ልቢ ኣምላኽ ኣንጸባረቐ፡ ንስድራ ቤቱ እንደገና ኣቘሞም፡ በቶም ወለዶታት ኣቢሉ ድማ ነቲ ናይ ምድሓን ተስፋ ፈጸሞ። ነፍሲ ወከፍ ካብዞም ኣቦታት እዚኣቶም ከም ዘዘኻኽሩና፡ እምነት፡ ተኣዛዝነት፡ ጽንዓትን ይቕሬታን ናይ ሓደ እዋን ፍጻመታት ዘይኰነስ፡ ህያዋን ርስትታት፡ ተታሒዞም ዝመሓላለፉ ፋናታት እዮም። ነዛ ዓለም ብብርሃን ዝጀመራ ኣምላኽ፡ ህዝቡ ካብ ወለዶ ናብ ወለዶ በቲ ብርሃን እቲ ክመላለሱ ሕጂ'ውን ይደሊ እዩ። ካብ ኣዳም ክሳዕ ኖህ፡ ካብ ኣብርሃም ክሳዕ ያእቆብ፡ እቲ ናይ እምነት፡ ተኣዛዝነትን ምስ ኣምላኽ ናይ ምንባርን ቅዱስ ርስቲ፡ ታሪኹ ብህይወት ምግላጽ ጥራይ ዘይኰነስ፡ ንወለዶ እውን እተመሓላለፈ እዩ። ነፍሲ ወከፍ ናይ እምነት ተግባር፡ እቲ ዝቕጽል ወለዶ ክዓብየሉ ዝኽእል ዘርኢ ዘሪኡ እዩ። ንሕና ብእምነት፡ ብትሕትናን ብጽድቅን ክንነብር ከሎና፡ ነቶም ድሕሬና ዝመጹ መተሓላለፍቲ በረኸት ንኸውን። ደቅናን ደቂ ደቅናን ቃላትና ጥራይ ዘይኰነስ፡ እቲ ምስ ኣምላኽ ዘሎና ኣካይዳ እውን ክወርሱ እዮም። እምበኣር፡ ኣምላኽ ኣልፋን ኦሜጋን፡ መጀመርታን መወዳእታን ናይ ኩሉ ነገር ምዃኑ እትምስክር ህይወት ንንበር። እምነትና፡ ተኣዛዝነትናን ንኣምላኽ ዝመስል ህይወትናን ነቲ መጻኢ ዝቐርጽን ነቶም ዝመጹ ወለዶታት ዝልውጥን ምስክር ኰይኑ ይቁም። ኣምላኽ ናይ ሀይወትና መጀመርታ ምስ ዝኸውን፡ ንሱ እቲ ክቡር መወዳእታ ድማ ክኸውን እዩ'ሞ፡ ብእኡ ኣቢሉ ድማ እቲ ናይ እምነት ብርሃን ካብ ሓደ ወለዶ ናብቲ ዝቕጽል ፈጺሙ ኣይክጠፍእን እዩ። አ", "item_img_path" : "https://covers1.booksamillion.com/covers/bam/9/79/899/365/9798993659824_b.jpg", "price_data" : { "retail_price" : "20.00", "online_price" : "20.00", "our_price" : "20.00", "club_price" : "20.00", "savings_pct" : "0", "savings_amt" : "0.00", "club_savings_pct" : "0", "club_savings_amt" : "0.00", "discount_pct" : "10", "store_price" : "" } }

Overview

Customers Also Bought

Details